وزیر اطلاعات پنجاب عظمٰی بخاری سے جلوسوں کے لائسنس ہولڈر اور امن کمیٹی کے ارکان کی ملاقات، مجالس اور جلوس کے لائسنس ہولڈر کا محرم میں اعزاداران امام حسین کے لئے مثالی انتظامات پر اظہار تشکر کیا۔
عظمیٰ بخاری نے کہا کہ وزیراعلی پنجاب نے محرم کے تمام انتظامات کی لمحہ بہ لمحہ مانیٹرنگ خود کی، ملاقات میں سیکرٹری انفارمیشن پنجاب طاہر رضا ہمدانی بھی موجود تھے۔
شیعہ علماء کرام نے بہترین انتظامات و سہولیات پر مریم نواز کا شکریہ ادا کیا۔
شیعہ علماء کونسل کی جانب سے وزیراعلی پنجاب مریم نواز کےلیے عظمیٰ بخاری کو "ایوارڈ امام حسین"پیش کیا گیا، شیعہ علماء کونسل پنجاب کے وفد نے فوکل پرسن قاسم علی قاسمی کی سربراہی میں ملاقات کی۔
اس موقع پر عظمی بخاری کا کہنا تھا کہ محرم الحرام کے انتظامات پر مجالس اور جلوسوں کے منتظمین کا مطمئن ہونا خوش آئند ہے، اہل تشیع کمیونٹی کا پنجاب حکومت سے تشکر کا اظہار اچھی روایت ہے۔
مریم نواز پنجاب کے لوگوں کی خدمت میں کوئی کمی یا کوتاہی برداشت نہیں کرتی، اس لیے انکی پوری ٹیم اور پنجاب کی انتظامیہ ہمہ وقت میدان عمل میں رہتے ہیں۔
وفد میں علامہ کاظم رضا نقوی، شبیہ شیرازی، فوکل پرسن قاسم علی ، یوسف جوہری، حافظ اقبال،الیاس یزدانی،صغیر ورک،کامران نقوی،اصغر حسین،ملک ناصر،ملک شاہد،واجد علی،عمار نقوی اور صفدر جعفری موجودہیں۔
