وزیراعظم عمران خان نے کہا کہ ٹرمپ سے اپیل ہے انسانی بنیاد پر ایران سے پابندیاں ختم کرے۔
سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ امریکی صدر ڈونلڈ ٹرمپ سے اپیل ہے انسانی بنیاد پر ایران سے پابندیاں ختم کرے۔
I want to appeal to President Trump on humanitarian grounds to lift the sanctions against Iran till the COVID19 pandemic is over. The people of Iran are facing untold suffering as sanctions are crippling Iran's efforts to fight COVID19. Humanity must unite to fight this pandemic
— Imran Khan (@ImranKhanPTI) March 22, 2020
وزیراعظم پاکستان نے کہا کہ جب تک ایران سے کرونا وائرس ختم نہیں ہوجاتا پابندیاں اٹھائی جائیں، ایرانی عوام کو ناقابل بیان مصائب کا سامنا ہے۔
انہوں نے اپنے پیغام میں مزید کہا کہ بندشیں کرونا کے خلاف ایران کی مدافعتی کاوشوں کو متاثر کر رہی ہیں، اس وباسے نمٹنے کے لیے انسانیت کا یکجا ہونا ناگزیر ہے۔
اس سے قبل گزشتہ روز وزیرخارجہ شاہ محمود قریشی نے کروناوائرس کے پیش نظر ایران سے ہمدردی کا اظہار کرتے ہوئے کہا تھا کہ ہم اس مشکل گھڑی میں تہران حکومت کے ساتھ کھڑے ہیں۔
شاہ محمود قریشی کا کہنا تھا کہ انسانی ہمدردی کے پیش نظر ایران پر عائد پابندیوں کو اٹھایا جائے، ایران کو دواؤں، وینٹی لیٹرز اور متعلقہ سامان کی اشد ضرورت ہے،
یاد رہے کہ گزشتہ ہفتے ایران کے صدر حسن روحانی نے وزیراعظم عمران خان سمیت دنیا بھر میں اپنے ہم منصبوں کو خطوط لکھے تھے جن میں انہیں بتایا گیا تھا کہ امریکی پابندیوں سے کرونا وائرس کے خلاف ان کے ملک کی لڑائی کس طرح متاثر ہو رہی ہے۔