قاسم سوری نے مقبوضہ کشمیر پر بھارتی مظالم پر بات کی تو بھارتی مندوب بھڑک اٹھے، ایسی حرکت کردی کہ منہ کی کھانی پڑی

سکیورٹی اسٹاف نے بھارتی رکن اسمبلی کو زبردستی کانفرنس ہال سے نکال باہرکیا۔ کمبوڈیا کے پیس پیلس میں ہونے والی ایشیا پیسفک سمٹ کے دوران ڈپٹی اسپیکر قومی اسمبلی قاسم سوری نے مقبوضہ کشمیرمیں جاری بھارتی مظالم کا پردہ چاک کیا تو بھارتی رکن اسمبلی آپے سے باہر ہوگئے اور تمام ترسفارتی اخلاقیات کو بالائے طاق رکھتے ہوئے بدمزگی پھیلانے کی کوشش شروع کردی۔ لیکن بھارت کو ایک بار پھر عالمی سطح پر ہزیمت کا سامنا کرنا پڑا کیوبنکہ سکیورٹی کاعملہ وہاں پہنچ گیا اور بھارتی مندوب کو پکڑ کر باہر لے گئے جس کے بعد قاسم سوری نے اپنا خطاب جرائتمندی سے مکمل کیا۔

ارشد وحید چودھری نے واقعے کی ویڈیو شیئر کرتے ہوئے ٹویٹ کیا کہ” کمبوڈیا میں ایشیا پیس سمٹ کے دوران ڈپٹی اسپیکر قاسم سوری نے مقبوضہ کشمیرمیں بھارتی مظالم کا ذکر کیاتو بھارتی مندوب آپے سے باہر ہوگئے۔ ڈپٹی اسپیکر کو تقریر سے روکنے کی کوشش کی لیکن سکیورٹی سٹاف نے قابو کرلیا“ 

کمبوڈیا میں ڈپٹی اسپیکر قاسم سوری کی طرف سے مقبوضہ کشمیر میں بھارتی مظالم کا پردہ چاک کرنے کے دوران غل غپاڑہ کرنے والے بھارتی پارلیمنٹیرین وجے جولی کو سیکیورٹی اسٹاف نے دھکے دے کر ہال سے باہر نکال دیا pic.twitter.com/Jzcj8R1ljk

— Arshad Waheed Ch (@arshad_Geo) November 19, 2019

واضح رہے کہ کمبوڈیا کے دارالحکومت پونم پن میں ایشیاپیسفک سمٹ دوہزار انیس کا اانعقاد کیاگیاتھا جس میں مختلف ممالک کے دوسو سے زائد نمائندگا ن شریک ہوئے۔