اقوام متحدہ کے سیکرٹری جنرل انتونیو گوٹیرس نے کہا کہ تجربے، کارکردگی سے ملیحہ لودھی کا ملکی ساکھ بڑھانے میں اہم کردار ہے، پاکستان کو ملیحہ لودھی کی خدمات، کامیابیوں پر فخر ہونا چاہیے۔
نیویارک میں ڈاکٹر ملیحہ لودھی نے اقوام متحدہ کے سیکرٹری جنرل سے الوداعی ملاقات کی، ملیحہ لودھی نے افغان امن مذاکراتی عمل پر سیکرٹری جنرل سے تبادلہ خیال کیا۔ اس موقع پر اقوام متحدہ کے سیکرٹری جنرل انتونیو گوٹیرس نے پاکستانی مندوب ملیحہ لودھی کو زبردست خراج تحسین پیش کرتے ہوئے کہا کہ ملیحہ لودھی نے ہر موضوع اور پہلو پر پاکستانی موقف پیش کیا۔
سیکرٹری جنرل نے کہا کہ تجربے، کارکردگی سے ملیحہ لودھی کا ملکی ساکھ بڑھانے میں اہم کردار ہے، پاکستان کو ملیحہ لودھی کی خدمات، کامیابیوں پر فخر ہونا چاہیے۔ ڈاکٹر ملیحہ لودھی نے کہا کہ پاکستان ہمیشہ مذاکرات سے مسائل کے حل کی بات کرتا ہے، خطے میں امن کے سلسلے میں وزیراعظم کی کوششیں جاری ہیں، وزیراعظم سعودیہ ایران تناؤ کے خاتمے کے لیے کردار ادا کر رہے ہیں۔
پاکستانی مندوب ملیحہ لودھی نے اقوام متحدہ کے سیکرٹری جنرل انتونیو گوٹیرس کو الوداعی ملاقات میں مقبوضہ کشمیر کی صورت حال سے بھی آگاہ کیا۔
