مشیر اطلاعات فردوس عاشق اعوان نے قبائلی اضلاع میں پرامن انتخابات کے انعقاد پر قوم کو مبارکباد دی ہے اور کہاکہ امن کی جیت نئے پاکستان میں استحکام کے لیے سنگ میل ثابت ہو گی۔ ایک طرف قبائلیوں کو انکے صبر اور قربانیوں کا ثمر مل رہا تھا تو دوسری طرف اثاثے بچاؤ بیٹھک لگی ہوئی تھی۔
فردوس عاشق اعوان نے سماجی رابطے کی ویب سائٹ ٹوئٹر پر قبائلی اضلاع میں پر امن انتخابات کے انعقاد پر پوری قوم کو مبارک باد دیتے ہوئے اسے امن کی جیت اور نئے پاکستان میں استحکام کے لیے سنگ میل قرار دیا۔
قبائلی اضلاع میں پر امن انتخابات کے انعقادپر پوری قوم کو مبارک باد۔امن کی یہ جیت نئے پاکستان میں استحکام پاکستان کی جانب اہم پیشرفت ہے۔ملکی تاریخ میں پہلی بار تبدیلی کے عمل نے قبائلی علاقوں کے سنگلاخ پہاڑوں پر جمہوریت کے خوبصورت پودے کی نمو ممکن کی۔
— Firdous Ashiq Awan (@Dr_FirdousPTI) July 21, 2019
انہوں نے لکھا کہ تبدیلی کے عمل نے سنگلاخ پہاڑوں پر جمہوری پودے کی نمو ممکن کی۔ ایک طرف قبائلیوں کو انکے صبر کا پھل مل رہا تھا تو دوسری طرف اثاثے بچاؤ بیٹھک لگی ہو ئی تھی۔
فردوس عاشق اعوان نے مزید کہا کہ عوامی حقوق کے ضامن بننے والوں کی قبائیلوں نے ضمانتیں ضبط کرادیں۔ کل قبائلی اضلاع میں تاریخ رقم ہوئی۔ ان میں سے کسی کو توفیق نہ ہوئی جمہوری عمل کی کامیابی پردو لفظ بول دیتے۔ ان کی جمہوریت کا مطلب صرف اور صرف ذاتی مفادات کا تحفظ ہے۔
مشیر اطلاعات فردوس عاشق اعوان نے لازوال قربانیاں دے کر قبائلی علاقوں میں امن لوٹانے پر مسلح افواج اور قانون نافذ کرنے والے اداروں کو بھی خراج تحسین پیش کیا۔