مسلم لیگ (ن) کے صدر شہباز شریف نے چیئرمین نیب جسٹس (ر) جاوید اقبال کے معاملے پر لاتعلق رہنے کا اعلان کیا ہے۔
شہباز شریف نے سماجی رابطے کی ویب سائٹ ٹوئیٹر پر ٹویٹ میں کہا ہے کہ (ن) لیگ کا کسی بھی شخص کی ذاتی زندگی سے کوئی لینا دینا نہیں، ہماری جماعت اپنے سیاسی اور قانونی بیانیے سے جڑی رہے گی۔
شہباز شریف نے لیگی رہنماؤں اور عہدیداروں کو چیئرمین نیب کے حوالے سے تبصرہ نہ کرنے کی ہدایت کردی۔
PML-N to stay out of the recent Chairman Nab issue.
— President PMLN (@president_pmln) May 23, 2019
Our viewpoint on NAB is principled—which is legal in nature and we will keep voicing our concerns on all forums.
PML-N has nothing to do with anybody’s private life and will stick to its political and legal narrative!
یاد رہے کہ نجی چینل نے ایک آڈیو ٹیپ چلائی جس میں کوئی مرد ایک خاتون سے بظاہر ناشائستہ گفتگو کر رہا ہے، اس حوالے سے نیب کی جانب سے اعلامیے میں کہا گیا ہے کہ نجی چینل کی آڈیو ٹیپ میں ایک آواز جسٹس ریٹائرڈ جاوید اقبال سے منسوب کی گئی، یہ بلیک میلرز گروہ کا جھوٹا پروپیگنڈا ہے۔
نیب اعلامیے کے مطابق ادارے نے تمام دباؤ اور بلیک میلنگ کو پس پشت رکھتے ہوئے اس بلیک میلر گروہ کے دو افراد کو نہ صرف گرفتار کیا بلکہ ریفرنس کی بھی منظوری دی ہے۔
