وزیرخارجہ شاہ محمود قریشی نے نوٹرے ڈیم گرجا گھر میں تباہ کن آگ لگنے پر اظہار افسوس کیا۔
تفصیلات کے مطابق ترجمان دفترخارجہ ڈاکٹرمحمد فیصل نے سماجی رابطے کی ویب سائٹ ٹویٹر پر پیغام میں کہا کہ وزیرخارجہ شاہ محمود قریشی نے نوٹرے گرجا گھر میں آتشزدگی کے واقعے پر افسوس کا اظہار کیا ہے۔
ترجمان دفترخارجہ نے کہا کہ صدیوں سے نوٹرے ڈیم گرجا گھر کیتھولکس کی مقدس عبادت گاہ ہے، توقع ہے کہ فرانس کے عوام جلد عمارت کی شان وشوکت بحال کرلیں گے۔
FM has expressed deep sadness about devastating fire at the iconic Notre Dame Cathedral in Paris. For centuries, it has been a revered place of worship for Catholics around the world. hope that resilient people of France will be able to restore it to its glory @francediplo_EN
— Dr Mohammad Faisal (@DrMFaisal) April 16, 2019
واضح رہے کہ گزشتہ روز پیرس کے 850 سال قدیم گرجا گھر میں اچانک آگ بھڑک اٹھی تھی جس کے نتیجے میں تاریخی عمارت کو شدید نقصان پہنچا۔
آگ لگنے کے واقعے کی اطلاع ملتے ہی فائربریگیڈ کی ٹیمیں آگ پر قابو پانے کے لیے جائے وقوع پر پہنچیں جسے کافی جدوجہد کے بعد بجھا دیا گیا۔
