اسلام آباد ہائیکورٹ کے مستقل ہونے والے تین ججز نے حلف اٹھا لیا۔ مستقل ہونے والے تین ججز جسٹس محمد آصف، جسٹس محمد اعظم خان اور جسٹس انعام امین منہاس ہیں، اسلام آباد ہائی کورٹ کے چیف جسٹس سردار محمد سرفراز ڈوگر نے تینوں ججز سے حلف لیا۔ تلاوت کلام پاک کے بعد تقریب حلف برداری کا آغاز ہوا، رجسٹرار اسلام آباد ہائی کورٹ نے ججز کی تعیناتی کا نوٹیفیکیشن پڑھ کر سنایا۔
وزارت قانون نے صدر کی منظوری سے تینوں ججز کی تعیناتی کا نوٹیفکیشن جاری کیا تھا، حلف برداری کی تقریب میں وزیر قانون اعظم نذیر تارڑ، ہائی کورٹ اور ڈسٹرکٹ کورٹ کے ججز بھی شریک ہوئے۔
واضح رہے کہ تینوں ججز نے مستقل تعیناتی سے قبل ایک سال تک بطور ایڈہاک جج کام کیا۔
