شکارپور میں پولیس اور ڈاکوؤں کے درمیان مقابلے میں 9 ڈاکو ہلاک جبکہ دو ڈی ایس پیز زخمی ہو گئے ہیں۔ ایس ایس پی شکارپور کے مطابق منچر شیخ کے علاقے میں ڈاکوؤں کی موجودگی کی اطلاع ملنے پر پولیس نے چھاپہ مارا، جس پر ڈاکوؤں کی جانب سے فائرنگ کی گئی۔ جواب میں پولیس نے کارروائی کرتے ہوئے ڈاکوؤں کے خلاف آپریشن شروع کیا۔
پولیس حکام کا کہنا ہے کہ 9 ڈاکو ہلاک ہو چکے ہیں اور مقابلہ اب بھی جاری ہے۔ آپریشن میں پولیس کی بھاری نفری کے ساتھ ساتھ بکتر بند گاڑیوں اور ڈرون ٹیکنالوجی کا بھی استعمال کیا جا رہا ہے۔
ایس ایس پی نے بتایا کہ ڈاکوؤں کے ساتھ مقابلے میں ڈی ایس پی گڑھی یاسین ظہور سومرو زخمی اور ڈی ایس پی سٹی پارس بکرانی زخمی ہو گئے، 4 دیگر پولیس اہلکار بھی مقابلے میں زخمی ہوئے، زخمیوں کو علاج کے لیے اسپتال منتقل کر دیا گیا ہے۔
