حکومت نے راولپنڈی اور اسلام آباد کے جڑواں شہروں میں ایک ہی وقت میں اذان اور باجماعت نماز کا نظام نافذ کرنے کے اعلان کر دیا ہے۔
وفاقی وزیر برائے مذہبی امور سردارمحمد یوسف کے مطابق جڑواں شہروں میں نماز کے یکساں اوقات کا اطلاق نئے سال کی آمد پر کیا جائے گا۔
ان کا کہنا تھا کہ انہوں نے اپنے گزشتہ دورِ وزارت میں ہی اس حوالے سے 80 فیصد کام مکمل کر لیا تھا اور اب یکم جنوری 2026 سے اس نظام کا اطلاق ہو جائے گا۔
وفاقی وزیر کا کہنا تھا کہ راولپنڈی اور اسلام آباد کے بعد ملک بھر میں اذان اور باجماعت نماز کے یکساں اوقات کا نفاذ کر دیا جائے گا۔
انہوں نے بتایا کہ اس سلسلے میں لاہور، کراچی، پشاور، اور کوئٹہ کے علما کے ساتھ بات چیت جاری ہے۔
