صدر مملکت آصف علی زرداری نے آرمی، نیوی اور ائیر فورس کے ترمیمی بلوں کی منظوری دے دی۔ پارلیمنٹ کے دونوں ایوانوں سے منظور ہونے کے بعد، پاکستان آرمی (ترمیمی) بل 2025 کو صدر مملکت کی منظوری مل گئی۔ اسی طرح، صدر آصف علی زرداری نے پاکستان ائیر فورس (ترمیمی) بل 2025 اور پاکستان نیوی (ترمیمی) بل 2025 کی منظوری بھی دی۔
صدر کی منظوری کے بعد یہ تینوں ترمیمی بل اب باقاعدہ قانون کا حصہ بن گئے ہیں۔
آرمی ایکٹ کے تحت اب آرمی چیف چیف آف ڈیفنس سٹاف کے عہدے پر بھی فائز ہوں گے، اور عہدے کی مدت پانچ سال مقرر کی گئی ہے، جبکہ چیئرمین جوائنٹ چیفس آف اسٹاف کمیٹی کا عہدہ ختم کر دیا گیا ہے۔ 27 ویں آئینی ترمیم کے مطابق، فیلڈ مارشل کا عہدہ تاحیات برقرار رہے گا۔
آرمی ایکٹ کے مطابق آرمی چیف کا بطور چیف آف ڈیفنس فورسز ، نوٹیفکیشن جاری ہونے کے بعد آرمی چیف کی مدت دوبارہ سے شروع ہوگی۔
