سپریم کورٹ آف پاکستان کی عمارت کے بیسمنٹ میں ایک دھماکا ہوا ہے، جس کے نتیجے میں متعدد افراد زخمی ہوئے ہیں۔ ذرائع کے مطابق یہ دھماکا اسٹاف کینٹین میں ایئر کنڈیشنر کی مرمت کے دوران ہوا۔ ابتدائی اطلاعات کے مطابق کم از کم تین افراد زخمی ہوئے ہیں، جنہیں فوری طور پر اسپتال منتقل کر دیا گیا ہے۔
دھماکے کے بعد سپریم کورٹ حکام نے عمارت میں موجود تمام افراد کو فوری طور پر باہر نکالنے کا حکم دیا۔
اس وقت پولیس اور سیکیورٹی ادارے دھماکے کی نوعیت اور اس کے اثرات کا جائزہ لے رہے ہیں، جبکہ عمارت میں حفاظتی اقدامات میں اضافہ کر دیا گیا ہے۔
دھماکے کے بعد عمارت کے اطراف کو سیل کر دیا گیا ہے اور سپریم کورٹ کے عملے کے ساتھ ساتھ عمارت کے اندر موجود شہری بھی محفوظ مقامات پر منتقل کیے گئے ہیں۔ مزید تحقیقات کے لیے سیکیورٹی اور بم ڈسپوزل ٹیمیں جائے وقوعہ پر پہنچ گئی ہیں۔
