حکمران اتحاد اور پاکستان تحریک انصاف (پی ٹی آئی) کی قیادت کے درمیان مذاکرات ہوئے۔ حکمران اتحاد میں مسلم لیگ ن کی طرف سے وزیر خزانہ اسحاق ڈار، وزیر قانون اعظم نذیر تارڑ، وزیر ریلوے سعد رفیق اور وفاقی وزیر ایاز صادق ، جبکہ پاکستان پیپلز پارٹی کی جانب سے یوسف رضا گیلانی، سیّد نوید قمر، ایم کیو ایم کی جانب سے کشور زہرہ، محمد ابو بکر مذاکراتی عمل میں مصروف ہیں۔
حکومت کی جانب سے تشکیل دی جانے والی 7 رکنی کمیٹی میں جمیعت علما اسلام کا کوئی نمائندہ شریک نہیں ہے۔
دوسری طرف پاکستان تحریک انصاف کے چیئر مین اورسابق وزیراعظم عمران خان کی جانب سے تشکیل دی گئی پی ٹی آئی کی تین رکنی مذاکراتی کمیٹی شاہ محمد قریشی کی سربراہی میں حکومت سے مذاکرات کے لیے پارلیمنٹ ہاؤس پہنچ گئی۔ پی ٹی آئی کی کمیٹی میں فواد چودھری اور سینیٹر علی ظفر بھی شامل ہیں۔۔
حکمران اتحاد اور پی ٹی آئی کے مذاکرات پارلیمنٹ ہاؤس میں ہورہے ہیں۔ اجلاس میں عام انتخابات سے متعلق مذاکرات کیے جارہے ہیں، جس میں حکومت اور پی ٹی آئی عام انتخابات سے متعلق اپنی اپنی تجاویز رکھیں گے۔
تحریک انصاف حکومت مذاکرات ، آئیے اندر کا حال دیکھاتے ہیں pic.twitter.com/2GijlNgw3M
— Sʏᴇᴅ Aᴏᴏɴ Sʜᴇʀᴀᴢɪ (@Aoon_Syed) April 27, 2023
یاد رہے کہ سپریم کورٹ میں جاری سماعت کے دوران چیف جسٹس آف پاکستان جسٹس عمر عطاء بندیال نے کہا تھا کہ اگر سیاستدان مل بیٹھ کر کوئی حل نکال لیتے ہیں تو بہترین بصورت دیگر سپریم کورٹ پنجاب میں الیکشن کے حوالے سے اپنے 14 مئی کے فیصلے سے پیچھے نہیں ہٹ سکتی۔
