پاکستان اور ہالینڈ نے تجارت، سرمایہ کاری، تعلیم ، انفارمیشن ٹیکنالوجی اور زراعت کے شعبوں میں تعاون بڑھانے کیلئے مل کر کام کرنے کا عزم ظاہر کیا ہے۔
رپورٹ کے مطابق اس عزم کا اظہار ڈیووس میں عالمی اقتصادی فورم کے موقع پر وزیر خارجہ بلاول بھٹو زرداری اورہالینڈ کے نائب وزیراعظم اور وزیر خارجہ Wopke Hoekstar کے درمیان ملاقات میں کیا گیا۔
Pleased to meet Dutch D/PM & FM @WBHoekstra on #WEF23 sidelines in Davos today. Exchanged views on bilat. pol. & eco. relations.Appreciated ?? assistance to ?? for catastrophic floods & resolved to work together to further enhance coop. in trade, invest., edu., IT & agri. sectors pic.twitter.com/8MGNakDz17
— BilawalBhuttoZardari (@BBhuttoZardari) January 19, 2023
وزیر خارجہ نے تباہ کن سیلاب میں پاکستان کی معاونت پر ہالینڈ کی تعریف کی۔ فریقین نے دوطرفہ سیاسی و اقتصادی تعلقات کے حوالے سے بھی تبادلہ خیال کیا۔
دوسری جانب وزیرخارجہ بلاول بھٹوزرداری اوران کے سعودی ہم منصب شہزادہ فیصل بن فرحان السعود کے درمیان بھی ڈیووس میں ملاقات ہوئی۔ دونوں وزرائے خارجہ نے پاکستان اورسعودی عرب کے درمیان تاریخی اورگہرے برادرانہ تعلقات کے عزم کااعادہ کیا۔
ملاقات میں بلاول بھٹو زرداری نے پاکستان کے ساتھ طویل تعاون پرسعودی عرب کاشکریہ اداکیا۔ ٹوئیٹرہینڈل پراجلاس کی تصاویرشیئرکرتے ہوئے وزیرخارجہ نے کہا کہ وہ اپنے سعودی ہم منصب سے ملکربہت خوش ہیں۔
عالمی اقتصادی فورم کے موقع پر وزیرخارجہ نے فن لینڈ کے ہم منصب Pekka Haavisto سے بھی ملاقات کی اورعلاقائی ،عالمی اورباہمی دلچسپی کے امورپرتبادلہ خیال کیا
۔وزیرخارجہ نے جنیوامیں Resilint پاکستان کانفرنس میں فن لینڈ کی حمایت کوسراہا۔ دونوں رہنمائوں نے تجارت، توانائی اورتعلیم کے شعبوں خصوصاً دوطرفہ تعاون کو مزید فروغ دینے کے عزم کا اعادہ کیا ہے۔
