وزیراعظم عمران خان نے قومی مفادات کے تحفظ کے لیے کی جانے والی پیشہ ورانہ تیاریوں پر اطمینان کا اظہار کیا ہے۔
انہوں نے اس بات کا اظہار آئی ایس آئی سیکریٹریٹ کے دورے کے دوران کیا۔
وزیر اعظم جناب عمران خان کا آئی ایس آئی سیکریٹریٹ کا دورہ pic.twitter.com/F1JeObC7rx
— Prime Minister's Office, Pakistan (@PakPMO) January 12, 2022
وزیراعظم عمران خان کے ہمراہ اس دورے میں وفاقی وزرا اور چیف آف آرمی اسٹاف جنرل قمر جاوید باجوہ بھی موجود تھے۔
آئی ایس آئی سیکریٹریٹ کے دورے پہ جب وزیراعظم عمران خان پہنچے تو ڈی جی آئی ایس آئی لیفٹیننٹ جنرل ندیم احمد انجم نے استقبال کیا۔
وزیراعظم آفس کے مطابق عمران خان کو اس موقع پر ملکی سلامتی اور افغانستان کی حالیہ صورتحال کے تناظر میں خطے میں ہونے والی تبدیلیوں پر بریفنگ بھی دی گئی۔
وزیراعظم عمران خان نے قومی سلامتی، استحکام اور خوشحالی کے لیے آئی ایس آئی کی کاوش کو سراہا۔