وزیراعظم عمران خان آج مشرق وسطی گرین انیشیٹو کانفرنس میں شرکت کریں گے
فائل فوٹو
وزیر اعظم عمران خان
وزیراعظم عمران خان آج مشرق وسطی گرین انیشیٹو کانفرنس میں شرکت کریں گے جبکہ سعودی قیادت اوراعلیٰ سعودی حکام سے ملاقاتیں بھی ہوگی۔
سعودی عرب کے دارلحکومت ریاض میں مشرق وسطی گرین انیشیٹو کانفرنس کا آج سے آغاز ہورہا ہے ، جس میں وزیراعظم عمران خان شرکت کریں گے۔
سربراہی کانفرنس کے دوران وزیراعظم ماحولیاتی تبدیلی کی وجہ سے ترقی پذیر ممالک کو درپیش چینلجز پر اپنا نکتہ نظر بیان کریں گے اور ماحولیاتی چیلنجز سے نمٹنے کے لیے قدرتی طریقوں پر مبنی پاکستانی تجربات پر بھی روشنی ڈالیں گے۔
گذشتہ روز وزیراعظم عمران خان وفد کے ہمراہ جدہ سے ریاض پہنچے تو ایئرپورٹ پر ڈپٹی گورنرریاض نے وزیراعظم کا استقبال کیا، وزیراعظم سعودی اعلیٰ قیادت سے ملاقاتیں کریں گے، جس میں دونوں ملکوں سمیت خطے کی صورتحال پرتبادلہ خیال ہوگا۔
یاد رہے وزیراعظم عمران خان سعودی ولی عہد شہزادہ محمد بن سلمان کی دعوت پر سعودی عرب کے تین روزہ دورے پرہیں، وزیر خارجہ شاہ محمود قریشی، وزیر توانائی حماداظہر اور ملک امین اسلم بھی وزیراعظم کے ہمراہ ہیں۔
سعودی عرب پہنچنے پر وزیراعظم نےاہلیہ اور وفد کے دیگرارکان کے ہمراہ پہلےروضہ رسولﷺ پرحاضری دی نوافل ادا کیے اور بعدازاں عمرہ ادائیگی کی سعادت بھی حاصل کی۔
