کوئٹہ میں تخریب کاری کی کوشش ناکام، بس سے چھ ہزار کلو گرام دھماکہ خیز مواد برآمد، پانچ افراد کو گرفتار کر لیا گیا۔
ایف سی کے مطابق انہیں خفیہ اطلاع ملی تھی کہ ایک کوچ میں بھاری مقدار میں دھماکہ خیز مواد لے جایا جا رہا ہےجس پر ایف سی نے مغربی بائے پاس کے علاقے اختر آباد میں ناکہ لگا کر آنے جانیوالی بسوں اور کوچوں کو چیک کرنا شروع کیا تو اس دوران ایک کوچ کو روک کر اس کی تلاشی لی گئی تو اس میں بوریوں میں دھماکہ خیز مواد برآمد ہوا جسکا وزن چھ سے سات ہزار کلو گرام کے درمیان ہے۔ ایف سی کے میجر جوہر نے میڈیا سے بات چیت کرتے ہوئے بتایا کہ انہوں نے ایک خفیہ اطلاع پر یہ کاروائی کی ہے ۔ کوچ پر سوار پانچ افراد کو بھی گرفتار کیا گیا ہے جنہوں نے ابتدائی تفتیش کے دوران بتایا کہ کوچ کو کوئٹہ سے نوشکی لے جائی جا رہی تھی۔
