کوئٹہ :سرکاری اور نجی ہسپتالوں میں بھی ڈاکٹرز نے کام بند کر دیا

کوئٹہ میں ڈاکٹروں کی گرفتاری کے بعد پریس کانفرنس کرتے ہوئے پاکستان میڈیکل ایسوسی ایشن کے رہنمائوں نے کہاکہ حکومت نے پی ایم اے کے صدر سلطان ترین سمیت سو ساتھیوں کو گرفتار کرلیا جوسراسرظلم ہے ،صوبائی حکومت غیر آئینی ہے اسے فوری ختم ہونا چائیے۔ڈاکٹروں کا کہنا ہے کہ ان کے جائز  مطالبات پر غور کرنے کی بجائے لاٹھی چارج اور آنسو گیس کے شیل فائر کئے گئے ، اسلم رئیسانی کی حکومت قانون سے ماوراء اقدامات کررہی ہے۔ڈاکٹروں کی تحریک کو ایسے ہتھکنڈوں سے دبایا نہیں جاسکتا، مطالبا ت پورے ہونے تک  سرکاری اور نجی اسپتالوں میں بھی کام نہیں کیا جائے گا