بلوچستان کے سرد علاقوں میں موسمِ سرما کی تعطیلات اور اسکولوں کی بندش کا نیا شیڈول بھی جاری کر دیا گیا ہے۔
صوبے کے سرد علاقوں میں سرکاری اسکول 16 دسمبر سے ڈھائی ماہ کے لیے بند رہیں گے۔ موسمِ سرما کی تعطیلات 23 دسمبر 2025 سے شروع ہو کر 11 جنوری 2026 تک جاری رہیں گی۔
جبکہ تمام اسکول 13 جنوری 2026 کو دوبارہ کھلیں گے، جس کے ساتھ نئے تعلیمی سال کا آغاز بھی ہوگا۔
دوسری طرف خیبر پختونخوا کے ضلع چارسدہ میں تمام اسکول اب صبح 9 بجے سے دوپہر 2 بجے تک کھلیں گے، جبکہ جمعہ کے روز اوقات کار صبح 9 بجے سے دوپہر 12 بجے تک ہوں گے۔
یہ فیصلہ گزشتہ روز دھند کے باعث ہونے والے حادثے کے بعد کیا گیا، جس میں اسکول وین اور ٹرک کے تصادم سے 2 بچے جاں بحق اور 21 زخمی ہوگئے تھے۔ ڈپٹی کمشنر کا کہنا ہے کہ یہ اقدام بچوں کے تحفظ کے لیے عوامی مفاد میں اٹھایا گیا ہے
