رمضان المبارک میں روزے کے باعث کھانے پینے کے اوقات تبدیل ہو جاتے ہیں جس سے جسم میں توانائی کی کمی، ہاضمے کے مسائل اور پانی کی کمی جیسے مسائل پیدا ہو سکتے ہیں۔ ماہرین کے مطابق سحری اور افطار میں دہی شامل کرنا صحت کے لیے انتہائی مفید ثابت ہو سکتا ہے۔
ہاضمے کے لیے فائدہ مند
دہی میں موجود پروبائیوٹکس (صحت مند بیکٹیریا) آنتوں کی صحت بہتر بناتے ہیں۔
یہ رمضان کے دوران عام مسائل جیسے:
گیس
پیٹ پھولنا
قبض
کو کم کرنے میں مدد دیتے ہیں۔
جسم میں پانی کی کمی کم کرتا ہے
دہی میں پانی کی مقدار زیادہ ہوتی ہے، جس سے سحری اور افطار کے دوران جسم میں ہائیڈریشن برقرار رہتی ہے اور پیاس کم محسوس ہوتی ہے۔
توانائی اور پروٹین کا اچھا ذریعہ
دہی میں پروٹین اور دیگر غذائی اجزاء موجود ہوتے ہیں جو:
دیر تک پیٹ بھرے رہنے کا احساس دیتے ہیں
دن بھر توانائی برقرار رکھنے میں مدد دیتے ہیں
خون میں شوگر کی سطح کو متوازن رکھتے ہیں
ہڈیوں اور دل کی صحت کیلئے مفید
دہی میں کیلشیم اور دیگر معدنیات موجود ہوتے ہیں جو:
ہڈیوں کو مضبوط بناتے ہیں
مدافعتی نظام بہتر کرتے ہیں
دل کی صحت کیلئے فائدہ مند ہوتے ہیں۔
سحری اور افطار میں دہی کیسے استعمال کریں؟
1۔ سحری میں دہی کو جئی، پھل یا بیجوں کے ساتھ استعمال کریں۔
2۔ افطار میں دہی کو سلاد یا رائتہ کی شکل میں شامل کریں۔
3۔ اضافی چینی ڈالنے سے گریز کریں تاکہ غیر ضروری کیلوریز سے بچا جا سکے۔
