دنیا کے مختلف خطوں میں سپر فلو کی لہر کے باعث اسپتالوں میں مریضوں کی تعداد میں خطرناک حد تک اضافہ ہو گیا ہے۔ ڈبلیو ایچ او کے مطابق، فلو کی نئی قسم A(H3N2) کے ذیلی گروپ ’سب کلاڈ K‘ کی وجہ سے برطانیہ سمیت کئی یورپی ممالک میں انفلوئنزا کے کیسز میں تیزی سے اضافہ ہوا ہے۔
برطانوی محکمہ صحت کے اعداد و شمار کے مطابق اسپتالوں میں روزانہ اوسطاً 2,600 سے زائد مریض داخل ہو رہے ہیں، جو گزشتہ ہفتے کے مقابلے میں 50 فیصد زیادہ ہے۔
برطانیہ کے وزیر صحت نے کہا کہ موجودہ صورتحال کوویڈ کے بعد اسپتالوں پر سب سے بڑا دباؤ ہے۔ ڈبلیو ایچ او نے وضاحت کی کہ نئی قسم زیادہ خطرناک نہیں ہے، تاہم اس کا پھیلاؤ معمول سے پہلے شروع ہو گیا ہے۔
سپر فلو سے بچوں اور بزرگوں میں متاثرین کی شرح سب سے زیادہ ہے جبکہ کچھ اسکول عارضی طور پر بند اور کچھ میں اوقات کم کیا گیا ہے۔
