پنجاب میں فلم انڈسٹری کے فروغ کیلئے پنجاب فلم ڈویلپمنٹ اتھارٹی تشکیل دینے کا فیصلہ کر لیا گیا، پنجاب فلم ڈویلپمنٹ اتھارٹی ایکٹ 2025 بل اسمبلی میں پیش کر دیا گیا جس کے بعد بل منظوری کیلئےمتعلقہ کمیٹی کےسپرد کردیاگیا ۔
پنجاب اسمبلی کے اجلاس میں 19 دسمبرکوپیش کئے گئے بل کے مطابق وزیر اعلیٰ پنجاب اتھارٹی کی چیئرمین ہوں گی ، پنجاب فلم ڈویلپمنٹ اتھارٹی سے فلم سازی، ڈرامہ،
ڈاکیومنٹری کی سرپرستی کی جائے گی،نئی فلم پالیسی، قواعد و ضوابط اور لائسنسنگ کا جامع نظام متعارف ہوگا،فلم سازوں کوسہولیات، اجازت ناموں اور ون ونڈو آپریشن کی سہولت ملے گی۔
مقامی اورغیر ملکی سرمایہ کاری کے فروغ کے لیے خصوصی مراعات دی جائیں گی،فلم سٹوڈیوز، فلم سٹی اور پوسٹ پروڈکشن سہولیات کے قیام کی راہ ہموار ہوگی،نئے ٹیلنٹ کی تربیت کے لیے ٹریننگ پروگرامز شروع کیے جائیں گے،فلم انڈسٹری کے لئے فنڈز گرانٹس اور سبسڈی کا نظام متعارف ہوگا،اتھارٹی فلم انڈسٹری سے متعلق شکایات اور مسائل کے حل کی مجاز ہوگی،
بل متعلقہ کمیٹی کے حوالےکردیاگیا، کمیٹی دہ ماہ میں رپورٹ پیش کرے گی،کمیٹی کی منظوری کے بعد بل پنجاب اسمبلی سے منظورکرایا جائے گا،بل کی حتمی منظوری گورنر پنجاب دیں گے۔
