سابق کپتان شعیب ملک کی اہلیہ اور اداکارہ ثنا جاوید نے مداحوں کو اپنے فیس بک کے جعلی اکاؤنٹس سے خبردار کیا ہے۔ اداکارہ نے انسٹاگرام اسٹوری پر اپنے نام سے بنے دو فیس بک اکاؤنٹس کے اسکرین شاٹس شیئر کیے اور بتایا کہ ایک اصل ہے جبکہ دوسرا جعلی اکاؤنٹ ہے۔
ثنا جاوید نے اسٹوری میں حیرت کا اظہار کرتے ہوئے لکھا، "حیران ہوں کہ میرے جعلی فیس بک پیج کو میٹا کی جانب سے ویریفائی کیسے کیا گیا؟"
انہوں نے مداحوں سے اپیل کی کہ وہ جعلی اکاؤنٹ سے شیئر کی گئی کسی بھی پوسٹ یا بیان سے گریز کریں۔
اداکارہ نے مزید بتایا کہ انہوں نے جعلی اکاؤنٹ کے خلاف رپورٹ درج کروا دی ہے اور متعلقہ حکام کو بھی اس سے آگاہ کر دیا گیا ہے، اور جلد اس فراڈ پیج کے خلاف کارروائی متوقع ہے۔
حیران کن بات یہ ہے کہ یہ جعلی فیس بک پیج نہ صرف ثنا کا نام اور تصویر استعمال کر رہا ہے بلکہ بلیو ٹک کے ساتھ ویریفائیڈ بھی ہے۔
دوسری اہم بات یہ ہے کہ اس جعلی پیج پر ثنا جاوید کے آفیشل پیج سے زیادہ فولوورز موجود ہیں۔
ثنا کے جعلی فیس بک پر 1.7 ملین سے زائد فولورز ہیں اور ان کے اپنے آفیشیل پیج پر 1.2 ملین سے زائد فولورز ہیں۔
