نئے سال کی ہنڈا سی جی 125 کی قیمت کیا ہو گی؟
2025 اور 2026 کے ماڈلز میں ڈیزائن کے حوالے سے کوئی بڑی مکینیکل تبدیلی متعارف نہیں کرائی گئی، تاہم نئی گرافکس اور معمولی ظاہری بہتری شامل کی گئی ہے۔
ہونڈا CG 125 بدستور پاکستانی سڑکوں پر اپنی مضبوطی، قابلِ اعتماد کارکردگی اور دیرپا انجن کی وجہ سے مقبول ہے۔
ہونڈا CG 125 (2026) کی نمایاں خصوصیات
ہونڈا CG 125 کا نیا ماڈل یورو II، 4-اسٹروک OHV، ایئر کولڈ انجن سے لیس ہے، جس کا بور اینڈ اسٹروک 56.5 x 49.5 ملی میٹر ہے۔ موٹر سائیکل میں 9.2 لیٹر فیول ٹینک دیا گیا ہے، جبکہ ریزرو کپیسٹی 2 لیٹر ہے۔ اس میں 4 اسپیڈ کانسٹنٹ میش گیئر باکس نصب ہے۔
موٹر سائیکل کے ڈائمینشنز 1912 x 735 x 1026 ملی میٹر ہیں، جبکہ گراؤنڈ کلیئرنس 132 ملی میٹر ہے۔ 764 ملی میٹر سیٹ ہائٹ کے باعث یہ موٹر سائیکل عام قد کے افراد کے لیے آسانی سے قابلِ استعمال ہے۔ 1204 ملی میٹر کا وہیل بیس موٹر سائیکل کو بہتر استحکام فراہم کرتا ہے۔
سسپنشن اور ٹائر
CG 125 میں اگلے حصے پر ٹیلی اسکوپک فورک (103 ملی میٹر ٹریول) جبکہ پچھلے حصے پر سوئنگ آرم سسپنشن (68 ملی میٹر ٹریول) دیا گیا ہے۔ فرنٹ ٹائر 2.50 – 18 (4 PR) جبکہ ریئر ٹائر 3.00 – 17 (6 PR) ہے۔ موٹر سائیکل کا ڈرائی ویٹ 100 کلوگرام ہے جو بہتر توازن اور استحکام فراہم کرتا ہے۔
فیچرز اور ڈیزائن
ہونڈا CG 125 ایک کک اسٹارٹ موٹر سائیکل ہے جو اپنی مضبوط کارکردگی اور پائیداری کے لیے مشہور ہے۔ اس میں رولر چین استعمال کی گئی ہے اور مجموعی طور پر اس کے فیچرز گزشتہ ماڈلز جیسے ہی ہیں۔
ڈیزائن کے حوالے سے CG 125 میں نمایاں تبدیلیاں نہیں کی گئیں۔ تاہم معمولی تبدیلیوں میں اونچی پلین سیٹ اور پچھلے انڈیکیٹرز کی پوزیشن میں ردوبدل شامل ہے، جسے صارفین بڑی اپ گریڈ تصور نہیں کرتے۔
رائیڈ اور ہینڈلنگ
ہونڈا CG 125 اپنی مضبوط فریم، بہتر گرپ اور وسیع وہیل بیس کی بدولت مستحکم رائیڈ فراہم کرتی ہے۔ اس کے اسپیئر پارٹس پورے پاکستان میں آسانی سے دستیاب ہیں اور مکینکس اس کے سسٹم سے بخوبی واقف ہیں، جس کی وجہ سے اس کی مینٹیننس آسان اور کم خرچ ہے۔
مائلیج
ہونڈا CG 125 45 کلومیٹر فی لیٹر تک کا فیول ایوریج فراہم کرتی ہے، جو اسے روزمرہ استعمال اور طویل سفر دونوں کے لیے موزوں بناتا ہے۔
مجموعی طور پر، ہونڈا CG 125 اپنی قیمت میں اضافے کے باوجود اب بھی پاکستان کی سب سے زیادہ فروخت ہونے والی اور قابلِ اعتماد موٹر سائیکلوں میں شمار ہوتی ہے۔
