عوام کیلئے بڑی خوشخبری ، پیٹرولیم قیمتوں میں کمی ہو گئی

ذرائع کا کہنا ہے کہ متوقع رعایت کی وجہ عالمی مارکیٹ میں سپلائی میں اضافہ ہے، جو خلیجی خطے کے بڑے ریفائننگ مراکز میں سے ایک کویت کی الزور ریفائنری کی متعدد یونٹس کی بحالی کے بعد پیدا ہوا ہے۔

13 روزہ ڈیٹا پر مبنی ابتدائی تخمینوں کے مطابق پیٹرول کی قیمت میں 3.70 روپے فی لیٹر کمی کا امکان ہے، جس سے اس کی قیمت 265.45 روپے سے کم ہو کر 261.75 روپے فی لیٹر تک آ سکتی ہے۔

اسی طرح ہائی اسپیڈ ڈیزل کی قیمت میں 4.28 روپے فی لیٹر کمی کا امکان ظاہر کیا جا رہا ہے، جس کے بعد اس کی قیمت 284.44 روپے سے کم ہو کر تقریباً 280.16 روپے فی لیٹر ہو سکتی ہے۔

مٹی کے تیل (کیروسین) کی قیمت میں بھی معمولی یعنی 0.73 روپے فی لیٹر کمی متوقع ہے، جس سے اس کی قیمت 194.34 روپے سے کم ہو کر اندازاً 193.61 روپے فی لیٹر ہو جائے گی۔

ذرائع کے مطابق لائٹ ڈیزل آئل کی قیمت میں سب سے زیادہ کمی متوقع ہے، 6.35 روپے فی لیٹر کمی کے بعد اس کی قیمت 170.80 روپے سے کم ہو کر 164.45 روپے فی لیٹر ہو جائے گی۔