پاکستان اسٹاک ایکسچینج نے مسلسل مثبت رجحان کے باعث ایک بار پھر 150,000 پوائنٹس کی سطح عبور کر لی ہے، جس سے سرمایہ کاری کے مواقع میں اضافہ اور مارکیٹ میں اعتماد کی بحالی کا عندیہ ملا ہے۔ دوسری جانب، ملکی کرنسی پر دباؤ میں کمی کے ساتھ ڈالر کی قیمت میں بھی نمایاں کمی دیکھی گئی ہے، جس سے درآمدی قیمتوں میں کمی اور معاشی استحکام کے امکانات بڑھ گئے ہیں۔
ماہرین کا کہنا ہے کہ اسٹاک مارکیٹ کی مضبوط کارکردگی اور ڈالر کی قدر میں کمی ملک کی اقتصادی صورتحال کے لیے مثبت اشارے ہیں۔
اور سرمایہ کاروں کے لیے نئے مواقع پیدا کر رہے ہیں۔ کاروباری ہفتے کے دوسرے روز اسٹاک مارکیٹ میں تیزی کا رجحان دیکھا گیا۔
کاروبار کے آغاز پر 100 انڈیکس میں400 پوائنٹس کا اضافہ ہوا جس کے بعد انڈیکس ایک لاکھ 50 ہزار 371 پوائنٹس پر ٹریڈ کرتے دیکھا گیا۔
گزشتہ روز کاروباری دن کے اختتام پر انڈیکس ایک لاکھ ، 49 ہزار ، 971 کی سطح پر بند ہوا تھا۔
جبکہ مارکیٹ میں 34 ارب 19 کروڑ 9 لاکھ 61 ہزار 502 روپے مالیت کے 51 کروڑ 18 لاکھ 21 ہزار 531 شیئرز کا لین دین ہوا تھا۔
دوسری جانب ڈالر کی قیمت میں اتار چڑھائو کا سلسلہ جاری ہے ، ایکسچینج کمپنیز ایسوسی ایشن کے مطابق انٹر بینک میں ڈالر 10 پیسے سستا ہوا۔
جس کے بعد ڈالر کی قیمت 281 روپے 65 پیسے ہو گئی۔
