گھی کی قیمتیں پھر بڑھا دی گئیں، درجہ دوم گھی 8 روپے کلو تک مہنگا کردیا گیا، قیمت 444 روپے کلو سے بڑھا کر452 روپے کلو ہو گئی۔
عوام پر مہنگائی کا ایک اور وار، پانچ کلو ڈسپنسر پیک کی قیمت 2220 روپے سے بڑھ کر 2260 روپے ہوگئی۔ رواں ماہ 10 مارچ کو درجہ دوم گھی 14 روپے مہنگا کیا گیا تھا۔ مجموعی طور پر رواں ماہ قیمتوں میں 22 روپے کا اضافہ ہوچکا ہے۔
کمپنیوں کی جانب سے پرچون دکانداروں سے نئی سپلائی کے آرڈرز نئی قیمتوں میں لئے جانے لگے۔ شہریوں کا کہنا ہے کہ گھی کے بغیر کوئی ہانڈی یا پکوان نہیں پکتا۔ مہنگائی نے گھر کا بجٹ بری طرح تباہ کردیا ہے۔
