فیس بک سروسز متاثر ہونے کے باعث شیئرز کی قیمت 5.7 فیصد گرگئی

مارک زکربرگ فائل فوٹو مارک زکربرگ

گزشتہ رات سوشل میڈیا کی ایپلیکیشنز میں تعطل آنے کے بعد فیس بک کو بڑی مشکل کا سامنا کرنا پڑگیا، ذرائع کا کہنا ہے کہ فیس بک کو آمدنی میں بڑا نقصان برداشت کرنا پڑ رہا ہے۔


رپورٹ کے مطابق فیس بک، انسٹاگرام اور واٹس ایپ کی سروسز متاثر ہونے کے بعد امریکی اسٹاک ایکسچینج میں فیس بک کے شیئرز (حصص) کی قیمت 5.7 فیصد گرگئی ہے۔

اطلاعات کے مطابق پوری دنیا میں فیس بک، انسٹا گرام اور واٹس ایپ کی سروسز گزشتہ کئی گھنٹوں سے تعطل کا شکار رہیں جس کے سبب صارفین بھی تذبذب کا شکار رہے۔

سوشل میڈیا سروسز معطل ہونے کی وجہ سے سماجی رابطوں کی ویب سائٹس کے صارفین کو سخت پریشانی کا سامنا کرنا پڑ رہا ہے۔

امریکی اسٹاک ایکسچینج میں اس وقت تک فیس بک کے شیئرز کی قیمت 5.7 فیصد تک گرچکی ہے جس کی وجہ سے اسے تقریباً 50 ارب ڈالرز کا نقصان اٹھانا پڑے گا۔ فیس بک انتظامیہ کی جانب سے سروس متاثر ہونے پر صارفین سے معذرت کی گئی ہے۔

subscribe YT Channel install suchtv android app on google app store