متحدہ عرب امارات نے نئے سال 2026 کے موقع پر چھٹی کا اعلان کر دیا ہے۔ وفاقی اتھارٹی برائے سرکاری انسانی وسائل کے مطابق یکم جنوری 2026 کو نئے سال کے دن وفاقی حکومت کے لیے سرکاری چھٹی ہوگی، جبکہ جمعہ 2 جنوری 2026 کو وفاقی ملازمین کے لیے کام کا دن مقرر کیا گیا ہے۔
علاوہ ازیں، خلیجی میڈیا کے مطابق متحدہ عرب امارات میں 2026 سے نمازِ جمعہ اور خطبہ کے اوقات میں تبدیلی کی جائے گی۔
اسلامی امور، اوقاف اور زکوٰۃ کی جنرل اتھارٹی نے اعلان کیا ہے کہ جمعہ کے خطبہ اور نماز کے اوقات جمعہ 2 جنوری 2026 سے نافذ ہوں گے۔
نئے شیڈول کے مطابق جمعہ کا خطبہ اور دعا 12:45 بجے ہوں گے۔ اتھارٹی نے نمازیوں سے اپیل کی ہے کہ وہ مساجد میں بروقت پہنچیں تاکہ خطبہ سے محروم نہ رہیں اور مکمل ثواب حاصل کر سکیں۔
