امیرِ کویت نے قیدیوں کی معافی سے متعلق اہم فیصلہ سنا دیا

امیرِ کویت فائل فوٹو امیرِ کویت

مختلف کیسز میں قید کویتی شہریوں کے لئے اچھی خبر ہے کہ امیر کویت نے قیدیوں کو معاف کرنے کی جانب پہلا قدم اٹھالیا ہے۔


امیر کویت نے پارلیمنٹ کے سربراہ اور عدلیہ کے سربراہ کو ارکان پارلیمنٹ پر مشتمل کمیٹی تشکیل دینے کی ہدایت کی ہے

امیر کویت نے کہا ہے کہ ’ملک کے مختلف سیاسی اور قانونی اداروں کے درمیان تعاون اور افہام و تفہیم کے لیے کمیٹی تشکیل دی گئی ہے،اس کا کام قیدیوں کو معاف کرنے کے ضوابط کا تعین کرنا ہے تاکہ انہیں معاشرے میں دوبارہ فعال بنا کر ضم کیا جائے۔

امیر کویت کی جانب سے یہ اعلان اس تناظر میں کیا گیا ہے جب چالیس ارکان پارلیمنٹ نے سیاسی قیدیوں اور مخالفین کی رہائی کے لیے عوامی اپیل کی تھی،ارکان کا موقف تھا کہ خطے کی بدلتی سیاسی صورت حال کے باعث یہ ضروری ہے جبکہ ماضی کے مسائل کو ایک جانب رکھا جائے۔

بیان میں کہا گیا ہے کہ امیر کویت نے حکومت اور پارلیمنٹ کے مابین “سیاسی استحکام” اور ایگزیکٹو اور مقننہ کے درمیان تعاون کو بڑھانے کے لیے معافی جاری کرنے کے اپنے آئینی حق کو استعمال کرنے کا فیصلہ کیا ہے۔

امیر کویت کی جانب سے کمیٹی تشکیل دئیے جانے کے اعلان پر کچھ اراکین پارلیمنٹ نے ٹوئٹ کرتے ہوئے اسے کویت کے لیے ایک “تاریخی لمحہ” قرار دیا اور امیرکویت کا پیشگی شکریہ ادا کیا۔

subscribe YT Channel install suchtv android app on google app store