ملک بھر میں سردی کی نئی لہر کے داخل ہوتے ہی ملکہٗ کوہسار مری میں برفباری میں خطرناک حد تک اضافہ ہوگیا ہے، اور اب تک مری میں چار فٹ، جبکہ ملحقہ پہاڑی سلسلوں میں چھ فٹ تک برف پڑ چکی ہے۔
پنجاب کے مختلف علاقے شدید دھند کی لپیٹ میں ہیں، لاہور میں دُھند کے باعث علامہ اقبال انٹر نیشنل ائیرپورٹ بند کر دیا گیا جبکہ لاہور سے پھنڈی بھٹیاں تک موٹروے بھی ٹریفک کے لئے بند ہے۔
پشاور میں بارش کے نئے سلسلے کے بعد سردی کی شدت میں مزید اضافہ ہوگیاہے۔محکمہ موسمیات کے مطابق پشاور میں چوبیس گھنٹوں کے دوران گیارہ ملی میٹر بارش ریکارڈ کی گئی ہے۔