کال آف ڈیوٹی' کے خالق ونس زیمپیلا ٹریفک حادثے میں ہلاک ہوگئے۔
دنیا کے مقبول ترین ویڈیو گیم ’کال آف ڈیوٹی‘ کےبانی اور گیمنگ انڈسٹری کی معروف شخصیت ونس زیمپیلا لاس اینجلس میں فراری کارحادثے کے نتیجے میں ہلاک ہو گئے ہیں۔ گیمنگ جائنٹ ’الیکٹرانک آرٹس‘ نے انکی موت کی تصدیق کرتے ہوئے اسے انڈسٹری کے لیے ایک بڑا نقصان قرار دیا ہے۔
ہائی وے پٹرول کےمطابق ونس کی تیز رفتار گاڑی سڑک سے اتر کر بیریئر سے ٹکرانے کے بعد آگ کی لپیٹ میں آگئی، جس سے وہ اور ان کا ساتھی موقع پر ہی دم توڑ گئے۔ ونس زیمپیلا نے ’انفینٹی وارڈ‘ اور ’ری اسپون‘ جیسے بڑے اسٹوڈیوز قائم کیے اور ’ایپیکس لیجنڈز‘ جیسے یادگارگیمز تخلیق کیے،ان کی ناگہانی موت پر دنیا بھر کے گیمرز اور ٹیک کمپنیوں کی جانب سے افسوس کا اظہار کیا جا رہا ہے۔
