بنگلادیش پریمیئر لیگ (بی پی ایل) کے لیے 9 قومی کرکٹرز کو این او سی جاری کر دیے گئے ہیں۔ پی سی بی نے این او سی کی فہرست اپ ڈیٹ کر دی ہے، جس کے مطابق یہ اجازت نامے 23 جنوری 2026 تک کے لیے جاری کیے گئے ہیں۔
ان کرکٹرز میں تین بڑے نام محمد نواز، فہیم اشرف اور صاحبزادہ فرحان شامل ہیں۔
اس کے علاوہ حسین طلعت، احسان اللہ، حیدر علی، ابرار احمد، خواجہ نافع اور سلمان ارشاد کو بھی بی پی ایل میں شرکت کے لیے این او سی جاری کیا گیا ہے۔
واضح رہے کہ بنگلادیش پریمیئر لیگ 26 دسمبر سے 24 جنوری تک کھیلی جانی ہے۔
