پاکستان سپر لیگ (پی ایس ایل) کی تشہیر اور نئی سرمایہ کاری کو راغب کرنے کے لیے لندن کے تاریخی لارڈز گراؤنڈ میں روڈ شو کا انعقاد کیا گیا۔
لارڈز میں منعقدہ اس روڈ شو کا مقصد لیگ کا ویژن، کمرشل ماڈل اور مستقبل کی حکمت عملی متعارف کروانا تھا۔
ایونٹ میں پاکستانی بیٹسمین بابر اعظم سمیت دیگر قومی کرکٹرز نے شرکت کی، جبکہ پاکستان کرکٹ بورڈ کے چیئرمین محسن نقوی بھی اس موقع پر موجود تھے۔
دوران شو، محسن نقوی نے پی ایس ایل سے متعلق تفصیلات حاضرین کے ساتھ شیئر کیں۔
واضح رہے کہ ایچ بی ایل پی ایس ایل دنیا کی تیزی سے بڑھتی ہوئی ٹی ٹوئنٹی لیگز میں شامل ہے اور اس کا عالمی سطح پر بڑھتا ہوا اثرورسوخ لیگ کی اہمیت کو مزید بڑھا رہا ہے۔
