برازیل کے نوجوان اسٹار فٹبالر ونیشیس جونیئر نے آن لائن مقبولیت میں پرتگال کے اسٹار فٹبالر کرسٹیانو رونالڈو کو پیچھے چھوڑ دیا ہے۔ غیر ملکی میڈیا کے مطابق، ونیشیس جونیئر نے ایک ماہ میں 15 لاکھ نئے انسٹاگرام فالوورز حاصل کیے، جبکہ ان کے بارے میں ایک ماہ میں 3 لاکھ 14 ہزار میڈیا رپورٹس شائع ہوئیں۔
رپورٹ میں بتایا گیا کہ انسٹاگرام پر ونیشیس کے ہیش ٹیگز کی تعداد 14 لاکھ رہی۔
پرتگال کے کرسٹیانو رونالڈو آن لائن مقبولیت میں دوسرے نمبر پر آئے۔ یاد رہے کہ فاربس کی لسٹ میں رونالڈو دنیا کے سب سے امیر ایتھلیٹس میں سر فہرست ہیں۔
عالمی فٹبال رینکنگ میں، ونیشیس جونیئر 46 ویں نمبر پر ہیں، جبکہ کرسٹیانو رونالڈو پہلے نمبر پر موجود ہیں۔
رپورٹ میں بتایا گیا ہے کہ دنیا کے مقبول ترین ایتھلیٹس میں فٹبالرز کو برتری حاصل ہے اور ٹاپ 10 مقبول ایتھلیٹس میں 5 فٹبالرز شامل ہیں۔
فرانس کے کیلیان امباپے مقبول ایتھلیٹس کی فہرست میں تیسرے نمبر پر ہیں۔
