ایشیا کپ سپر فور مرحلے میں پاکستان کے خلاف میچ کے لیے بھارتی ٹیم کو بڑا بوسٹ مل گیا۔ بھارتی میڈیا کے مطابق فاسٹ بولر جسپریت بمرا اور بیٹر ورون چکرورتھی آج کے میچ میں فائنل الیون کا حصہ ہوں گے۔
رپورٹس کے مطابق دونوں کھلاڑیوں کو عمان کے خلاف میچ میں آرام دیا گیا تھا، تاہم اب وہ پاکستان کے خلاف میدان میں اتریں گے۔
بھارتی میڈیا کا کہنا ہے کہ ان کی واپسی کے بعد ہرشیت رانا اور ارشدیپ سنگھ کو ٹیم سے باہر بٹھایا جا سکتا ہے۔
یاد رہے کہ بھارت ایشیا کپ میں اب تک کھیلے جانے والے تینوں میچز میں کامیاب رہا ہے جبکہ پاکستانی ٹیم تین میں سے دو میچز جیتی ہے اور بھارت کے خلاف میچ میں اسے شکست کا سامنا کرنا پڑا تھا۔
آج دونوں ٹیمیں ٹورنامنٹ میں دوسری مرتبہ آمنے سامنے ہوں گی، پاکستانی ٹیم میں بھی بھارت کے خلاف کھیلے گئے پہلے میچ میں شامل 2 کھلاڑیوں کو تبدیل کیے جانے کا امکان ہے۔
