لاہور: نیشنل ہاکی اسٹیڈیم لاہور میں پنجاب انٹر ڈویژن ویمن ہاکی ٹورنامنٹ کا باقاعدہ آغاز ہو گیا۔
افتتاحی تقریب کے مہمانِ خصوصی ڈی جی اسپورٹس بورڈ پنجاب، خضر افضال چوہدری تھے۔
پنجاب ویمن ہاکی ایسوسی ایشن کے زیر اہتمام اس ٹورنامنٹ میں صوبے کی 9 ڈویژن کی ٹیمیں حصہ لے رہی ہیں۔
جنہیں دو گروپوں میں تقسیم کیا گیا ہے۔
ٹورنامنٹ کے پہلے روز کھیلے گئے میچز میں فیصل آباد، ملتان، سرگودھا اور لاہور کی ٹیموں نے کامیابی حاصل کی۔
پہلے میچ میں فیصل آباد ڈویژن نے شاندار کھیل پیش کرتے ہوئے گوجرانوالہ کو 0-9 سے شکست دی۔
دوسرے میچ میں ملتان ڈویژن نے ڈیرہ غازی خان کو 0-2 سے ہرایا۔
تیسرے میچ میں سرگودھا ڈویژن نے ایک سنسنی خیز مقابلے کے بعد راولپنڈی کے خلاف 0-1 سے کامیابی حاصل کی،
جبکہ چوتھے اور آخری میچ میں میزبان لاہور ڈویژن نے بہاولپور کو 0-2 سے شکست دے دی۔
