پنجاب میں سموگ کے پیش نظرایڈوائزری جاری کردی گئی۔
سموگ نگرانی و پیشگی سسٹم کے مطابق صبح 9بجے لاہور کا اے کیو آئی 123 ریکارڈ کیا گیا جو معتدل درجے پر ہے۔
سڑکوں پر ٹریفک کا دباؤ زیادہ ہونے کے باعث فضائی آلودگی میں معمولی اضافہ دیکھا گیا،محکمہ ماحولیات کے مطابق صبح کے وقت درجہ حرارت میں کمی اور دھوئیں کے اخراج سے آلودگی زمین کے قریب جمتی ہے۔
شہریوں سے اپیل کی گئی ہے کہ ’’کلین اینڈ گرین پنجاب‘‘ کے ویژن میں حکومت کا ساتھ دیں،وزیراعلیٰ مریم نواز کی ہدایت پر سموگ کنٹرول کے لیے مربوط پلان پر عمل درآمد جاری ہے۔
ٹریفک کے رش کے اوقات میں غیر ضروری سفر سے گریز، گاڑیوں کی بروقت مینٹیننس اور ماسک کے استعمال سے آلودگی میں نمایاں کمی ممکن ہے۔
ایڈوائزری میںکہاگیاہے کہ جب طویل سگنل پر رکیں گاڑیوں کے انجن بند رکھیں،
فضول ایندھن کے استعمال سے گریز کریں،موٹر سائیکل سوار ماحولیاتی معیار کو بہتر رکھنے کے لیے خصوصی ماسک استعمال کریں۔
سکول و دفاتر کی انتظامیہ کو ہدایت دی گئی ہے کہ طلبہ و ملازمین کے اوقات میں معمولی ردوبدل کر کے رش کم کیا جائے۔
سینئر صوبائی وزیر مریم اورنگزیب نے کہاہے کہ پنجاب حکومت نے ٹریفک پولیس اور ضلعی انتظامیہ کو سڑکوں پر مؤثر مانیٹرنگ کی ہدایت بھی جاری کر دی گئی ہے۔
