محکمہ تعلیم پنجاب نے سرکاری کالجز کے طلبا کے لیے نئی ہدایات جاری کر دی ہیں۔
جاری کردہ ہدایات کے مطابق 2 یا زائد مضامین میں “ایف”گریڈ لینے والے طلبا کے داخلے بورڈ کو نہیں بھیجے جائیں گے،امتحانات میں غیر حاضری کی صورت میں فی پرچہ 200 روپے جرمانہ عائد کیا جائے گا۔ ماہانہ ٹیسٹ میں غیر حاضری پر فی پرچہ 100 روپے جرمانہ مقرر کیا گیا ہے جبکہ بغیر میڈیکل سرٹیفکیٹ کے امتحان سے غیرحاضری کی صورت میں طالبعلم کو فیل تصور کیا جائے گا۔
پنجاب کے تمام سرکاری کالجز میں ماہانہ، دسمبر اور پری بورڈ امتحانات میں شرکت لازمی قرار دی گئی ہے۔
