ہیٹ ویو کے پیش نظر تمام اسکول 7 روز کیلئے بند رکھنے کا اعلان

ہیٹ ویو کے پیش نظر تمام اسکول 7 روز کیلئے بند رکھنے کا اعلان فائل فوٹو ہیٹ ویو کے پیش نظر تمام اسکول 7 روز کیلئے بند رکھنے کا اعلان

ہیٹ ویو کے پیش نظر پنجاب بھر کے تمام اسکول 7 روز کے لیے بند رکھنے کا اعلان کر دیا گیا۔

حکومت پنجاب کی جانب سے جاری اعلامیے میں کہا گیا ہے کہ ہیٹ ویو کے باعث پنجاب کے اسکولوں کو فوری طور پر 25 مئی سے 31 مئی تک بند کر دیا گیا ہے۔

اعلامیے کے مطابق پنجاب میں ہیٹ ویو کے باعث اسکولوں میں 7 یوم کی چھٹی کا اعلان کیا گیا ہے، تمام سرکاری اور پرائیویٹ اسکول 25 سے 31 مئی تک بند رہیں گے۔

دوسری جانب پی ڈی ایم اے پنجاب نے ہیٹ ویو سے متعلق الرٹ جاری کر دیا ہے جس میں 21 سے 27 مئی کے دوران پنجاب میں ہیٹ ویو کا خدشہ ظاہر کیا گیا ہے۔

ترجمان پی ڈی ایم اے کا کہنا ہے کہ ہیٹ ویو کی لہر کے دوران میدانی علاقے خصوصاً جنوبی پنجاب شدید گرمی کی لپیٹ میں رہیں گے۔

پی ڈی ایم اے کے ترجمان کا یہ بھی کہنا ہے کہ ہیٹ ویو سے بچاؤ کیلئے حفاظتی اقدامات کیے جا رہے ہیں، ڈی سیز کو عوامی مقامات پر ہیٹ ویو سے بچاؤ کی سہولیات یقینی بنانےکی ہدایت کی گئی ہے اور محکمہ صحت کو ڈاکٹرز اور پیرا میڈیکل اسٹاف کی چھٹیاں منسوخ کرنے کی ہدایت کر دی گئی ہے۔

install suchtv android app on google app store