مسیحی برادری سے اظہار یکجہتی کے لئے نگراں وزیراعظم انوار الحق کاکڑ ایک روزہ دورے پر جڑانوالہ پہنچ گئے ۔ نگراں وزیراعظم انوار الحق کاکڑ نے متاثرین میں امدادی چیک تقسیم کئے اور متاثرہ علاقوں میں بحالی کے کام کا بھی جائزہ لیا۔
وزیر اعظم آفس میڈیا ونگ سے جاری بیان کے مطابق وزیراعظم اپنے دورے کے دوران سانحہ جڑانوالہ کے متاثرہ خاندانوں سے اظہار یکجہتی کیا ہےاور متاثرہ خاندانوں میں امدادی چیکس بھی تقسیم کیا۔ نگراں وزیراعظم اس دورے میں متاثرہ گرجا گھروں کی از سر نو تعمیر کی پیشرفت کا جائزہ بھی لیا ہے۔
