نائب وزیر اعظم اور وزیر خارجہ اسحاق ڈار ماسکو اور برسلز کے سرکاری دوروں کے بعد مدینہ منورہ میں حاضری دے کر اسلام آباد واپس پہنچ گئے۔ وزارتِ خارجہ کے مطابق، اسحاق ڈار نے 17 تا 19 نومبر ماسکو اور 19 تا 21 نومبر برسلز کے اہم سفارتی دورے کیے، جن میں دوطرفہ ملاقاتیں، بین الاقوامی تعاون اور علاقائی حالات پر تبادلۂ خیال شامل تھا۔
واپسی پر انہوں نے مدینہ منورہ میں مختصر قیام کیا اور روزۂ رسول ﷺ پر حاضری دی، جہاں انہوں نے امتِ مسلمہ، پاکستان کی سلامتی اور خوشحالی کے لیے دعا کی۔
دفترِ خارجہ کے ترجمان کے مطابق اسحاق ڈار کے یہ دورے پاکستان کی سفارتی سرگرمیوں میں اہم پیش رفت کے طور پر دیکھے جا رہے ہیں۔
