وفاقی آئینی عدالت میں اسلام آباد ہائیکورٹ کے پانچ ججز کی انٹرا کورٹ اپیل کی سماعت کے لیے تاریخ مقرر کر دی گئی ہے۔ وفاقی آئینی عدالت کے چیف جسٹس امین الدین خان کی سربراہی میں 6 رکنی لارجر بینچ 24 نومبر کو ساڑھے 11 بجے اس اپیل کی سماعت کرے گا۔
بینچ میں جسٹس حسن رضوی، جسٹس باقر نجفی، جسٹس کے کے آغا، جسٹس روزی خان اور جسٹس ارشد حسین شاہ بھی شامل ہوں گے۔
اسلام آباد ہائیکورٹ کے پانچ ججز نے سپریم کورٹ کے پانچ رکنی بینچ کے فیصلے کے خلاف یہ انٹرا کورٹ اپیل دائر کی تھی، جس میں ججز کے تبادلے کو درست قرار دیا گیا تھا۔
