وفاقی کابینہ کا آج ہونے والا اہم اجلاس وزیر اعظم شہباز شریف کی مصروفیات کے باعث ملتوی کر دیا گیا ہے۔ ذرائع کے مطابق آج کے اجلاس میں 27 ویں آئینی ترمیم کی منظوری متوقع تھی۔ وزیر اعظم شہباز شریف نے پہلے ہی اتحادی جماعتوں کو اعتماد میں لیا ہے، اور ایم کیو ایم پاکستان کے وفد سے ملاقات میں بلدیاتی مسودے کو 27 ویں ترمیم میں شامل کرنے کی یقین دہانی کرائی، جس کے بعد متحدہ نے ترمیم کی حمایت کا اعلان کیا۔
دوسری جانب پاکستان پیپلز پارٹی نے 27 ویں آئینی ترمیم کے حوالے سے صرف آرٹیکل 243 میں تبدیلی کو قبول کیا ہے اور باقی تمام نکات مسترد کر دیے ہیں۔
پیپلز پارٹی کے چیئرمین بلاول بھٹو زرداری نے سینٹرل ایگزیکٹو کمیٹی کے اجلاس کے بعد میڈیا سے گفتگو کرتے ہوئے کہا کہ صوبائی شیئر سے متعلق شق کو پارٹی مسترد کرتی ہے اور کسی صورت اس تجویز کی حمایت کے لیے تیار نہیں۔
این ایف سی فارمولے میں تبدیلی سمیت ستائیس ویں ترمیم کی تجویز کے باقی پوائنٹس بھی پوری طرح مسترد ہوئے ہیں۔
