الیکشن کمیشن کا کام پرچے کروانا نہیں بلکہ الیکشن کروانا ہے: شیخ رشید

عوامی مسلم لیگ کے سربراہ شیخ رشید احمد فائل فوٹو عوامی مسلم لیگ کے سربراہ شیخ رشید احمد

عوامی مسلم لیگ کے سربراہ شیخ رشید احمد نے کہا ہے کہ فواد چودھری کی گرفتاری میں الیکشن کمیشن سیاسی فریق بن گیا ہے۔  الیکشن کمیشن کا کام پرچے کروانا نہیں بلکہ الیکشن کروانا ہے۔ حکومت کے ارادے واضح ہو چکے ہیں۔

سماجی رابطوں کی ویب سائٹ ٹوئٹر پر جاری بیان میں شیخ رشید نے کہا کہ الیکشن کمیشن کا کام پرچے کروانا نہیں بلکہ الیکشن کروانا ہے۔ حکومت کے ارادے واضح ہو چکے ہیں، عوام کو سمجھ جانا چاہیے کہ یہ الیکشن نہیں، کچھ اور کرنے جا رہے ہیں۔

پی ٹی آئی رہنما فواد چودھری کی گرفتاری پر ردعمل دیتے ہوئے انہوں نے کہا کہ ان کی گرفتاری میں الیکشن کمیشن سیاسی فریق بن گیا ہے۔ آئی ایم ایف کی شرائط سے پہلے گرفتاریوں کا دور شروع ہوگا، جس کے بعد جام حکومت کا سڑکوں پر کام تمام ہو جائے گا۔

انہوں نے کہا کہ جو قوم الیکشن کمیشن پر اعتبار نہیں کر رہی، وہ الیکشن کےنتائج پرکیاخاک اعتبارکرےگی۔ چھوٹا بھائی پرائم منسٹرہےاوربڑے بھائی کےپاکستان آنےپر پاؤں میں مہندی لگی ہے۔ الیکشن کامطالبہ کرنےوالے الیکشن پرجانےکےلیےتیارنہیں ہیں۔ نیب ترامیم سےفائدہ اٹھانےوالےعنقریب قوم کے احتساب کی بھینٹ چڑھیں گے۔

سابق وفاقی وزیر داخلہ کا کہنا تھا کہ زرمبادلہ کےذخائر4بلین سےکم اورIMFکی شرائط سرپر ہیں۔ وزیروں کاجمعہ بازارلگاہے۔سیاسی اقتصادی معاشی اورتوانائی کابحران حکومت کےگلےپڑنےوالاہے۔ملک جام ہےحکومت کاکام تمام ہے۔ فوادکی گرفتاری جلتی پر پیڑول کاکام کرےگی۔ اب ملک الیکشن کےبجائےتشددکی راہ پر چل پڑا ہےفیصلےسڑکوں پرہوں گے۔

subscribe YT Channel install suchtv android app on google app store