برڈ فلو ایک بار پھر سر اٹھانے لگا اور یورپ میں مہلک وائرس کے کیسز میں اضافہ ہو گیا۔
خبر ایجنسی کے مطابق آسٹریا میں فارم پر ایچ فائیو این ون برڈ فلو کا پھیلاؤ رپورٹ ہوا ہے جہاں بیماری کے باعث 50 پرندے ہلاک ہو گئے ۔
واضح رہے کہ برڈ فلو کو ایویئن انفلوئنزا کے نام سے بھی جانا جاتا ہے، یہ وائرل انفیکشن نہ صرف پرندوں کو متاثر کرتا ہے بلکہ انسانوں اور دیگر جانوروں کو بھی متاثر کر سکتا ہے لیکن زیادہ تر وائرس پرندوں تک ہی محدود ہیں۔
H5N1 کو پرندوں کے لیے ایک مہلک وائرس کہا جاتا ہے اور یہ انسانوں اور جانوروں کو آسانی سے متاثر کر سکتا ہے،H5N1 کو 1997 میں دریافت کیا گیا تھا اور اس سے متاثرہ تقریباً 60 فیصد افراد ہلاک ہو چکے ہیں۔
برڈ فلو کی علامات میں کھانسی، اسہال، سانس کی مشکلات، سانس کی قلت، بخار، سر درد، پٹھوں میں درد، بہتی ہوئی ناک اور گلے کی سوزش شامل ہے۔
