صبح خالی پیٹ گرم پانی پینا صدیوں سے صحت مند زندگی کی علامت سمجھا جاتا رہا ہے، اور آج جدید سائنسی تحقیق نے اس روایت کے کچھ پہلوؤں کو سچ ثابت کیا ہے۔
طبی تحقیق کے مطابق صبح خالی پیٹ گرم پانی پینے سے میٹابولزم تیز ہوتا ہے، جسمانی توانائی میں اضافہ ہوتا ہے اور جلد بھی روشن رہتی ہے۔
ہاضمہ اور قبض میں بہتری: صبح خالی پیٹ گرم پانی پینے سے آنتوں کی حرکت تیز ہوتی ہے اور غذا جلد ہضم ہوتی ہے۔
کلینیکل مطالعات میں یہ بھی دیکھا گیا کہ آپریشن کے بعد مریضوں میں گرم پانی دینے سے پہلی گیس آنے کا وقت کم ہوا۔
وزن کم: شواہد کے مطابق گرم پانی پینے سے میٹابولزم عارضی طور پر بڑھ سکتا ہے، لیکن وزن کم کرنے کے لیے متوازن غذا اور ورزش لازمی ہیں۔
نزلہ زکام اور گلے کے درد میں آرام: گرم پانی بلغم نرم کرتا اور گلے کی جلن کم کرتا ہے، جس سے سانس کی نالیوں کو آرام ملتا ہے۔
خون کی گردش میں بہتری: ماہرین کے مطابق معتدل گرم پانی پینے سے خون کی نالیوں میں عارضی پھیلاؤ آتا ہے اور خون کی گردش بہتر ہوتی ہے۔
صبح خالی پیٹ گرم پانی پینے کا صحیح طریقہ
۔ ایک گلاس معتدل گرم پانی پینا فائدہ مند ہے۔
۔ کھانے کے فوراً بعد پانی پینا بھی محفوظ ہے۔
۔ بہت زیادہ گرم مشروبات سے پرہیز کریں۔
۔ وزن کم کرنے کے لیے صرف گرم پانی پر انحصار نہ کریں۔
۔ اگر گلے یا معدے میں مسئلہ ہو تو ڈاکٹر سے رجوع کریں۔
عالمی ادارہ صحت نے خبردار کیا کہ 65 ڈگری سیلسیس یا اس سے زیادہ گرم مشروبات حلق اور غذا کی نالی کے سرطان کے خطرے سے منسلک ہو سکتے ہیں۔
