شوہر کی دوسری شادی سے متعلق فاطمہ آفندی کا چونکا دینے والا بیان

شوہر کی دوسری شادی سے متعلق فاطمہ آفندی کا چونکا دینے والا بیان فائل فوٹو شوہر کی دوسری شادی سے متعلق فاطمہ آفندی کا چونکا دینے والا بیان

پاکستانی ڈرامہ انڈسٹری کی معروف اداکارہ فاطمہ آفندی نے انکشاف کیا ہے کہ انہوں نے اپنے شوہر کو دوسری شادی کی اجازت اس لیے دے رکھی ہے کیوں کہ اُنہیں معلوم ہے کہ کنور ارسلان یہ قدم نہیں اٹھائیں گے۔

یاد رہے کہ آفندی نے اداکار کنور ارسلان کے ساتھ 2012ء کے نومبر میں شادی کی تھی، اس خوبصورت جوڑی کے دو بیٹے بھی ہیں۔

اداکارہ فاطمہ ناصرف ماڈلنگ اور اداکاری کے شعبے سے منسکل ہیں بلکہ وہ ایک کاروباری خاتون اور یوٹیور بھی ہیں۔

31 سالہ اداکارہ فاطمہ آفندی نے اپنے کریئر کا آغاز 2001 میں بطور چائلڈ آرٹسٹ کیا تھا جبکہ 2011ء میں ڈرامہ سیریل ’کاش میں تیری بیٹی نہ ہوتی‘ سے وہ شہرت کی بلندیوں پر پہنچ گئی تھیں۔

اداکارہ نے حال ہی میں نجی ٹی وی کے ایک مزاحیہ شو میں بطور مہمان شرکت کی، اس دوران اُن کے ہمراہ معروف اداکار و میزبان احمد علی بٹ بھی موجود تھے۔

فاطمہ آفندی نے شو کے دوران محبت اور شادی پر بھی کھل کر بات کی۔

 اداکارہ کا کہنا تھا کہ انسان ’سوشل اینیمل ‘ ہے، ایک انسان کو دوسرے انسان کی ضرورت پڑتی ہے۔

انہوں نے شو کے دوران مردوں کی دو شادیوں سے متعلق موضوع پر کہا کہ مجھے اپنے والے کا پتہ ہے کہ اُس نے دوسری شادی نہیں کرنی اس لیے میں نے کنور کو اجازت دے رکھی ہے کہ دوسری شادی کر لو۔

اداکارہ کا مزید کہنا تھا کہ انسان کو جس چیز سے جتنا دور رکھا جاتا ہے اُس کا اِس چیز میں ہی تجسس بڑھنے لگتا ہے۔

install suchtv android app on google app store