ماضی میں متعدد ویڈیوز کے وائرل ہونے پر تنقید کا سامنا کرنے والی ہانیہ عامر کو اب ایک اور ویڈیو پر تنقید کا نشانہ بنایا جا رہا ہے۔
سوشل میڈیا پر وائرل ہونے والی مختصر ویڈیو میں اداکارہ کو مرد دوست کے ساتھ کھیلتے دیکھا جا سکتا ہے۔
وائرل ویڈیو میں اداکارہ کا دوست ان کے بالوں کو پکڑ کر انہیں ہلاتے دکھائی دیتا ہے اور اداکارہ بچوں کی طرح شرارتیں کرتی دکھائی دیتی ہیں۔
اداکارہ کی ویڈیو وائرل ہونے کے بعد صارفین نے اس پر کمنٹس کرتے ہوئے اداکارہ کو آڑے ہاتھوں لیا اور لکھا کہ اگر ایسے ہی اداکارہ کو کسی غریب لڑکے کا ہاتھ لگ جاتا تو وہ ان پر ہراسانی کا الزام لگا دیتیں۔
اداکارہ کی ویڈیو کو مختلف شوبز سوشل میڈیا پیجز پر شیئر کیا گیا، جہاں صارفین نے کمنٹس کرتے ہوئے ہانیہ عامر کے رویے پر اظہار افسوس کرتے ہوئے ان کی ذہنی حالت پر بھی تبصرے کیے۔
صارفین نے لکھا کہ پہلے تو اداکارہ کی ذہنی حالت اچھی خاصی بہتر تھی، اب نہ جانے انہیں کیا ہوگیا؟
View this post on Instagram
بعض صارفین نے سوال کیا کہ اداکارہ سے متعلق ڈاکٹر کیا کہتے ہیں کہ وہ کب تک ٹھیک ہو جائیں گی؟ اور کچھ نے تو انہیں ماہر امراض دماغ کے پاس لے جانے کا مشورہ بھی دے ڈالا۔
کچھ افراد نے اداکارہ کو آڑے ہاتھوں لیتے ہوئے لکھا کہ وہ جان بوجھ کر ایسی حرکتیں کرتی ہیں تاکہ سوشل میڈیا پر وائرل رہیں۔
بعض افراد نے ان کی ویڈیو پر انتہائی سخت زبان کا استعمال کرتے ہوئے ان کے لیے نامناسب الفاظ بھی لکھے۔
