معروف قوال امجد صابری قتل کیس کی تحقیقات میں اہم پیشرفت ہوئی ہے ، واردات میں استعمال ہونے والی موٹر سائیکل کے مالک کو حراست میں لے لیا گیا ۔
قانون نافذ کرنے والے اداروں کی جانب سے امجد صابری کے قتل کی تحقیقات میں اہم پیش رفت ہوئی ہے ۔
کراچی کے علاقے گلشن اقبال بلاک تیرہ ڈی میں کارروائی کرکے واردات میں استعمال ہونے والی موٹر سائیکل کے مالک کو حراست میں لے لیا گیا ہے ۔
اس شخص کا تعلق بلڈرز کے شعبے سے ہے ، اسے تفتیش کیلئے نامعلوم مقام پر منتقل کر دیا گیا ہے ۔
